შინაგან საქმეთა სამინისტროს ინფორმაციით, საგარეჯოს რაიონის სოფელ ლამბალოში 42 წლის ადამიანი დააკავეს. მას ბრალი ედება ცეცხლსასროლი იარაღის და საბრძოლო მასალის უკანონო შეძენასა და შენახვაში.

"პოლიციამ, დაკავებულის საცხოვრებელ სახლში ჩატარებული ჩხრეკის შედეგად, ნივთმტკიცების სახით ამოიღო კალაშნიკოვის სისტემის "აკ-74"-ის მოდელის ავტომატური ცეცხლსასროლი იარაღი, მჭიდი და 30 საბრძოლო ვაზნა", — ვკითხულობთ შსს-ს განცხადებაში.

გამოძიება საქართველოს სსკ-ის 236-ე მუხლის მე-3 ნაწილით მიმდინარეობს, რაც ითვალისწინებს თავისუფლების აღკვეთას 3-დან 6 წლამდე ვადით.