ამერიკის შეერთებულ შტატებში ეროვნული უშიშროების საბჭოს კიბერ საკოორდინაციო ჯგუფის (UCG) მიერ დადგინდა, რომ ქვეყანაში დეკემბერში განხორციელებული კიბერშეტევების უკან, სავარაუდოდ, რუსეთი დგას.

"Advanced Persistent Threat (APT), სავარაუდოდ რუსული წარმოშობით, პასუხისმგებელია როგორც მთავრობის, ისე არასამთავრობო ქსელებში ბოლოდროინდელ კიბერშეტევებზე. ამ დროისთვის ესაა ცნობილი და ვაკეთებთ ყველაფერს, რომ გავიგოთ სრული მასშტაბები და ვუპასუხოთ თანაზომიერად", — ნათქვამია განცხადებაში.

როგორც მსგავს საფრთხეზე რეაგირების პრეროგატივის მქონე სააგენტო, FBI-ს საგამოძიებო სამსახური ამჟამად კონცენტრირებულია ოთხ კრიტიკულ ხაზზე: მსხვერპლთა იდენტიფიცირება, მტკიცებულებათა შეგროვება, მტკიცებულებების ანალიზი შემდგომი ასოციაციების დასადგენად და მთავრობისა და კერძო სექტორის წარმომადგენლებთან შედეგების გაზიარება, რათა ჰქონდეთ სრული ინფორმაცია ოპერაციების, სადაზვერვო სურათისა და ქსელის დაცვის შესახებ.

განცხადებაში ნათქვამია, რომ UCG კონცენტრირებული რჩება მსხვერპლთა მალევე იდენტიფიცირების უზრუნველყოფაზე და სისტემურ აღდგენაზე. დამატებითი ინფორმაცია კომპრომისის ინდიკატორების ჩათვლით, გასაჯაროვდება, როდესაც ისინი ხელმისაწვდომი გახდება.