ცაგერის მუნიციპალიტეტის მერიის ცნობით, სოფელ ჩქუმის თავზე ტყის ქვედა საფარი იწვის. მუნიციპალიტეტის ინფორმაციით, ცაგერის საგანგებო სიტუაციების მართვის სამსახურის მეხანძრეთა ბრიგადები ცეცხლის ლოკალიზებას ცდილობენ, თუმცა, საქმეს ართულებს ის, რომ ძლიერი ქარია და შესაძლოა, ცეცხლი მეტად გავრცელდეს. მათივე თქმით, ცეცხლი ეკალ-ბარდებს, გამხმარ ფოთლებსა და შერეულ ტყეს გაუჩნდა.

"საგანგებო სიტუაციების მართვის სამსახურში განაცხადეს, რომ ცეცხლი ამ მომენტისთვის 15 ჰა-ზე გავრცელებული. ადგილზე მობილიზებულია მეხანძრე-მაშველები. რადგან სახანძრო მანქანები ტერიტორიაზე შესვლას ვერ ახერხებენ, მეხანძრეები იძულებული არიან ფეხით გადაადგილდნენ, მათ ადგილობრივი მოსახლეობაც ეხმარებათ", — აცხადებენ მერიაში.

ასევე, ხანძარია სოფელ თაბორის თავზე, სადაც ტყის მასივი იწვის.

"ახლახანს, საგანგებო სიტუაციების სამსახურიდან გვაცნობეს, რომ ცეცხლი რთულად მისადგომ ადგილზეა, სიბნელე და ქარი ართულებს მდგომარეობას. შესაძლოა, ვერტმფრენის ჩართვა გახდეს საჭირო", — აცხადებენ მერიაში.

მათივე განცხადებით, მსგავსი სიტუაციაა ონის მუნიციპალიტეტშიც. რამდენიმე დღეა ძლიერი ხანძრებია დასავლეთ საქართველოში. 5 იანვარს ცნობილი გახდა, რომ ხანძარი ოკუპირებულ გალის რაიონშიც გაჩნდა.

გაიგეთ მეტი: