საგანგებო სიტუაციების მართვის სამსახურის ინფორმაციით, ამ ეტაპზე ხანძრის 116 კერა ლიკვიდირებულია, 3 — ლოკალიზებული, 17-ზე კი მიმდინარეობს აქტიური სალოკალიზაციო სამუშაოები.

უწყების ცნობით, ამ დროისთვის ცეცხლის კერებთან იმყოფება 700-ზე მეტი მეხანძრე-მაშველი და 70-ზე მეტი სახანძრო-სამაშველო ტექნიკა.

რეგიონების მიხედვით კი ხანძრის კერების გადანაწილება შემდეგნაირია:

  • სამეგრელოში დაფიქსირდა 96 კერა, მათგან 84 ლიკვიდირებულია, 3 ლოკალიზებული, 9 კერაზე კი გრძელდება სალოკალიზაციო სამუშაოები.
  • იმერეთში დაფიქსირდა 26 კერა, მათგან 22 ლიკვიდირებულია, 4 კერაზე გრძელდება სალოკალიზაციო სამუშაოები.
  • აჭარაში დაფიქსირდა 4 კერა, მათგან 2 ლიკვიდირებულია, 2 კერაზე გრძელდება სალოკალიზაციო სამუშაოები.
  • რაჭა-ლეჩხუმი და ქვემო სვანეთში დაფიქსირდა 3 კერა, მათგან ერთი ლიკვიდირებულია, 2 კერაზე გრძელდება სალოკალიზაციო სამუშაოები.
  • გურიაში დაფიქსირდა 7 კერა, მათგან ყველა ლიკვიდირებულია.

საგანგებო სიტუაციების მართვის სამსახურის ცნობით, ხანძრების შედეგად არავინ დაშავებულა და მოსახლეობას საფრთხე არ ემუქრება.

საგანგებოს ინფორმაციით, სამეგრელოში დაფიქსირდა შემთხვევა, სადაც ლიკვიდირებულ მინდორზე ხელახლა გაჩნდა ხანძარი.

შინაგან საქმეთა სამინისტროს საგანგებო სიტუაციების მართვის სამსახური მოუწოდებს მოსახლეობას თავი შეიკავონ სასოფლო სამეურნეო სავარგულების გადაწვისგან, ეს საფრთხეს უქმნის როგორც ტყის მასივებს, ასევე, საცხოვრებელ სახლებს.