ჯანდაცვის მინისტრის მოადგილის, თამარ გაბუნიას განცხადებით ეპიდემიის სტაბილიზაცია ყველაზე მეტად აჭარის რეგიონში იგრძნობა.

"აჭარაში ყველაზე თვალსაჩინოდ იგრძნობა ინფექციის სტაბილიზაცია და დაღმასვლა და იქ განმეორებითი ტალღის აღმოცენების რისკიც არის შედარებით უფრო ნაკლები, ვიდრე ქვეყნის სხვა რეგიონებში", — ამბობს გაბუნია.

მისივე თქმით, აქამდე მხოლოდ კორონავირუსით ინფიცირებული პაციენტებისთვის გამოყოფილი საწოლების დიდი ნაწილი აჭარაში, კვლავ, მრავალპროფილური სერვისების მიწოდებისთვის გამოიყენება.

"საწოლფონდის რაოდენობა მნიშველოვნად განიტვირთა ამ პერიოდის განმავლობაში და 2900 საწოლი არის თავისუფალი, მთელი ქვეყნის მასშტაბით. გარკვეული საწოლები დაუბრუნდა მრავალპროფილური სერვისების მიწოდებას, განსაკუთრებით აჭარაში", — განაცხადა გაბუნიამ.

შეგახსენებთ, რომ კორონავირუსის მეორე ტალღის აფეთქება საქართველოში აჭარიდან დაიწყო და გასული წლის შემოდგომაზე სწორედ ამ რეგიონში ფიქსირდებოდა ახალი შემთხვევების დიდი ნაწილი.

გაიგეთ მეტი: