2020-ს ისეთი ჟრიამულით ვაცილებთ, როგორიც სხვა არც ერთ წელს დაესიზმრება. ასე რომ, საღამოს, იმ დროისთვის, როდესაც შამპანურს მოიდგამ, პატარა სიურპრიზს და გასართობს გთავაზობთ.

რაშია საქმე?

AR სტარტაპთან, AR Geek-თან ერთად მოგიმზადეთ საახალწლო Instagram თამაში-ფილტრი - "დალიე თუ", რომელიც ხალხმრავლობისა და მეგობრებთან ერთად დალევისაგან მოწყვეტილ საღამოს გაგიხალისებს!

რა თამაშია?

ფილტრი ყველასთვის საყვარელ თამაშს სიმართლე თუ მოქმედებას მოგაგონებთ, მაგრამ მისი თამაში მარტო ყოფნისას, სოციალური დისტანცირების დროსაც შეგიძლია და მწარე სიმართლეების ნაცვლად აბსოლუტურად მხიარულებაზე, ალკოჰოლსა და საახალწლო თემატიკის დავალებებზეა კონცენტრირებული. პრინციპი შემდეგია:

სთორის გადაღებას დაიწყებ თუ არა, შენს თავზე დატრიალდება დავალებების ბურთი და თან გამოჩნდება წარწერა, თუ რა შემთხვევაში უნდა დალიო. თუ მოცემული პირობის მიხედვით ვერ სვამ, უნდა შეასრულო დავალება, რომელიც მეორე ბურთულაშია გამოსახული.

სად ვიპოვო?

ფილტრს On.ge-ის ინსტაგრამზე, ფილტრების სექციაში შეხვდები, ან სთორის ფილტრების საძიებო ველში On.ge-ის ან "დალიე თუ"-ს ჩაწერით იპოვი.

Disclaimer: თამაში ძალიან ჩამთრევია და თქვენს ხვალინდელ ნაბახუსევზე პასუხს არ ვაგებთ!

რაც მთავარია, სთორის გადაღების შემდეგ არ დაგავიწყდეთ დათაგოთ ჩვენი ოფიციალური ინსტაგრამ გვერდი და ჩვენს სთორებშიც მოხვდებით!