ახალი გამოწვევა #გახდისუპერგმირი, რომელიც ინტერნეტსივრცეში გავრცელდა საქველმოქმედო პლატფორმა supergmiri.ge-ის ბენეფიციარების მხარდაჭერას ისახავს მიზნად.

Supergmiri.ge ზრუნავს იმ პატარებზე, რომელთაც ეს ყველაზე მეტად სჭირდებათ. სუპერგმირი ფიზიკური პირებისა თუ კომპანიების დონაციებიდან შემოსულ თანხას სრულად ბენეფიციარი ბავშვების საჭიროებას ახმარს. პატარები ყოველთვიურად იღებენ გზავნილს, სადაც მოთავსებულია თავიანთი ასაკის, სურვილებისა და მიზნების შესაბამისი აუცილებელი პროდუქტები, ნივთები და მომსახურების ვაუჩერები.

გარდა ამისა, ნებისმიერ ადამიანს აქვს შესაძლებლობა გახდეს ერთი ან რამდენიმე ბავშვის სუპერგმირი და ხანგრძლივი პერიოდით იზრუნოს მათზე არამხოლოდ დონაციით, არამედ პირადად მოინახულოს პატარები და გაატაროს დრო მათთან.

Supergmiri.ge მიიჩნევს, რომ ყველა იმსახურებს ლამაზ და ფერად ბავშვობას. სწორედ ამ იდეის მხარდაჭერით გაჩნდა საახალწლო, საქველმოქმედო გამოწვევის იდეაც.

კამპანია #გახდისუპერგმირი-ს გამოწვევაში უკვე ჩაერთვნენ ისეთი კომპანიები, როგორებიცაა: სინერჯი კაპიტალი, სამშენებლო კომპანია ანაგი, Tbilisi Medic-ი, თბილღვნო, ელთიბი - ავეჯის მასალები, Financial Office და Start - Business Solutions.

გამოწვევაში ჩართვა ნებისმიერ კომპანიას შეუძლია. Supergmiri.ge-ს ბენეფიციარების მხარდასაჭერად შესაძლებელია:

  1. გახდეთ პლატფორმის დონორი:
    https://supergmiri.ge/donations
  2. გახდეთ პატარების სანტა და აუხდინოთ სურვილები:
    https://supergmiri.ge/letters-to-santa

იმისთვის, რომ გამოწვევა უფრო მასშტაბური გახდეს და პლატფორმის საშუალებით კომპანიებმა ბევრი ბავშვის გახარება შეძლონ, დონაციის განხორციელების შემდეგ უნდა გამოაქვეყნონ პოსტი ჰეშთეგით #გახდისუპერგმირი და გამოიწვიონ მეგობარი კომპანიები.

#სუპერძალაზრუნვაშია