თავდაცვის მინისტრის, ირაკლი ღარიბაშვილის განცხადებით, საერთაშორისო პარტნიორების მხარდაჭერით კიბერუსაფრთხოების თანამედროვე ცენტრის შექმნა დაიგეგმა.

"ჩვენ მსოფლიოში ერთ-ერთ საუკეთესო ამერიკულ კომპანიასთან ფაირაისთან გავაფორმეთ კონტრაქტი მრავალწლიანი თანამშრომლობის შესახებ. წელს გავხდით ნატოს მავნე პროგრამული უზრუნველყოფის შესახებ ინფორმაციის გაცვლის მრავალეროვნული, პლატფორმის ნატოს მეორე არაწევრი ქვეყანა. ასევე, საერთაშორისო პარტნიორების მხარდაჭერით, დაიგეგმა კიბერუსაფრთხოების თანამედროვე ცენტრის შექმნა", — განაცხადა მან.

თავდაცვის მინისტრმა ყურადღება გაამახვილა აღნიშნულ საკითხებში ამერიკელი და ბრიტანელი პარტნიორების დახმარებაზე და ისაუბრა სადაზვერვო შესაძლებლობებისა და ტექნოლოგიების დანერგვასა და განვითარებაზე ჯარში.

საქართველო არაერთხელ გახდა რუსული კიბერთავდასხმის სამიზნე. რუსი ჰაკერები თავს ესხმოდნენ სახელმწიფო ინფრასტრუქტურას და იპარავდნენ მონაცემებს. დამნაშავის დადგენა მხოლოდ საერთაშორისო პარტნიორებთან თანამშრომლობით გახდა შესაძლებელი.