გენერალ ბენ ჰოჯესის განცხადებით, საქართველოს პრეზიდენტის, სალომე ზურაბიშვილის განცხადებამ კავკასიური პლატფორმის თაობაზე შეაშფოთა, რადგან რუსეთის და კრემლის პოლიტიკის გაგრძელებას ჰგავდა.

"პრეზიდენტის განცხადებამ შემაშფოთა იმიტომ, რომ ეს მესახება რუსეთისა და კრემლის მიმართულების გაგრძელებად, რათა ჯარისკაცები განათავსოს იმ ტერიტორიაზე, რომ მოხდეს ცემენტირება იმისა, თუ რა გააკეთა. საქართველო რატომ ფიქრობს ამ პლატფორმაზე. როცა რუს ჯარისკაცებს საქართველოს ტერიტორიის 20% აქვთ ოკუპირებული, რატომ უნდა ჩავეჭიდოთ პლატფორმას, როცა ტერიტორია ოკუპირებულია", — განაცხადა ჰოჯესმა. [თარგმანი ეკუთვნის ტელეკომპანია ფორმულას]

21 დეკემბერს, საქართველოს დიპლომატიური წარმომადგენლობების ხელმძღვანელთა ყოველწლიურ შეხვედრაზე, პრეზიდენტმა სალომე ზურაბიშვილმა კავკასიური პლატფორმის აუცილებლობაზე კიდევ ერთხელ ისაუბრა. მისივე თქმით, რეგიონში მშვიდობის აღდგენა სასიცოცხლოდ მნიშვნელოვანია.

"მთლიანი რეგიონის კეთილდღეობა და განვითარება ამაზეა დამოკიდებული — მშვიდობაზე და სტაბილურობაზე. ამავე დროს, ჩვენ ვიცით, რომ ყველანი ჩართულები იყვნენ ამ მიზნის მიღწევაში, ყველა ფასილიტატორი, ყველა — ჩვენ გარდა! ეს ძალიან სამწუხაროა. სწორედ ყველას ერთად თავმოყრის შესაძლებლობა იყო საუკუნეების მანძილზე საქართველოს ისტორიული როლი კავკასიაში... და არის! სწორედ ამიტომ, მე ღრმად ვარ დარწმუნებული, რომ საქართველო კავკასიური პლატფორმის ინიციატივის მიმართ ვერ იქნება ვერც პასიური და ვერც მეორეხარისხოვანი. ვიმედოვნებ, რომ 2021 წელი იქნება ამ კუთხით ჩვენი გაცოცხლების წელი", — აღნიშნა პრეზიდენტმა.

კავკასიური მშვიდობის პლატფორმის აუცილებლობაზე სალომე ზურაბიშვილმა მე-10 მოწვევის პარლამენტის პირველ სხდომაზე, 11 დეკემბერსაც.