დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

დაავადებათა კონტროლის ეროვნული ცენტრის დირექტორის, ამირან გამყრელიძის თქმით, დღეს საქართველოს მოსახლეობის 15% მაინც უნდა იყოს კორონავირუსით ინფიცირებული. მისი თქმით, ისინი ჯანმრთელობის გაზომვათა ინსტიტუტის სიეტლის მონაცემებს ეყრდნობიან.

"ალბათ, ამ თვის ბოლო ან იანვრის დასაწყისში იქნება სეროპრევალენტობის კვლევა, რომელიც 6 ათას ადამინზე ხორციელდება ქვეყანაში. ანუ ვიკვლევთ ანტისხეულებს, რომელიც მიუთითებენ ვის აქვს გადატანილი ინფექცია. ამავე დროს ჩვენ ვეყრდნობით ჯანმრთელობის გაზომვათა ინსტიტუტის სიეტლის უნივერსიტეტის მონაცემებს ბევრ პროგნოზირებაში და მათი მონაცემებით, დღეს სადღაც 15% მოსახლეობის უნდა იყოს უკვე ინფიცირებული, ანუ თუ დღეს ინფიცირებულია ოფიციალურად 191 ათასი ადამიანი, რომელიც ლაბორატორიულად არის დადასტურებული, დაახლოებით, სულ მცირე 2-2,5-ზე უნდა გაამრავლოთ", — განაცხადა გამყრელიძემ.

14 დეკემბრის მონაცემებით, საქართველოში კორონავირუსის 1 337 ახალი შემთხვევა გამოვლინდა და გარდაიცვალა კიდევ 49 ადამიანი. ამასთან, გამოჯანმრთელდა — 3 498 პაციენტი.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: