ჯანდაცვის მინისტრის მოადგილის, თამარ გაბუნიას განცხადებით, აჭარაში კორონავირუსით ინიფიცრების შემთხვევათა მატების თვალსაზრისით სტაბილურობა შეინიშნება.

"განსაკუთრებით მინდა აღვნიშნო სტაბილიზაციის სურათი აჭარაში. აჭარის რეგიონში, მოგეხსენებათ, ეპიდემიის მატება დაიწყო უფრო ადრე, მაგრამ მიმდინარე პერიოდში შემთხვევების გარკვეული კლება აღინიშნება. უნდა დავაკვირდეთ კიდევ ერთი კვირა, რომ საბოლოო მყარი დასკვნა გვქონდეს, რა მიმართულებით მიდის ეპიდემიის მიმდინარეობა", — განაცხადა თამარ გაბუნიამ.

14 დეკემბრის მონაცემებით, საქართველოში კორონავირუსის 1 337 ახალი შემთხვევა გამოვლინდა და გარდაიცვალა კიდევ 49 ადამიანი. ამასთან, გამოჯანმრთელდა — 3 498 პაციენტი.

ვირუსის დაფიქსირებიდან დღემდე გამოვლენილია 196 063 შემთხვევა; გამოჯანმრთელებულია — 161 681; გარდაცვლილია — 1 839 ადამიანი.