თელავი-ყვარლის გზაზე ავტოსაგზაო შემთხვევა მოხდა, რომელსაც ორი ადამიანის სიცოცხლე ემსხვერპლა. გავრცელებული ინფორმაციით, ორი მოძრავი ავტომობილი ერთმანეთს შეეჯახა.

შინაგან საქმეთა სამინისტროს ცნობით, საქმეზე გამოძიება საქართველოს სისხლის სამართლის კოდექსის 276-ე მუხლის მე-6 ნაწილით მიმდინარეობს, რაც გულისხმობს, ტრანსპორტის მოძრაობის უსაფრთხოების ან ექსპლუატაციის წესის დარღვევას, რამაც ადამიანის სიცოცხლის მოსპობა გამოიწვია.