ქართული ოცნების ერთ-ერთი წევრის, გია ვოლსკის თქმით, პარტიის თავმჯდომარემ, ბიძინა ივანიშვილმა "არ ჩათვალა საჭიროდ" მე-10 მოწვევის პარლამენტის პირველ სხდომას დასწრებოდა.

"არ ვიცი ახლა, პარტიული ლიდერია და მთავრობის წევრები აქ არიან, ელჩები აქ არიან, არ ჩათვალა საჭიროდ", — განაცხადა მან.

დღეს მე- 10 მოწვევის პარლამენტის პირველი სხდომა იმართება. იქ მარტო ქართული ოცნების დეპუტატები არიან წარმოდგენილები, თუმცა სხდომას პარტიის ლიდერი, ბიძინა ივანიშვილი არ ესწრება. პარალელურად ბარიერგადალახული ოპოზიციური პარტიები მოსწავლე ახალგაზრდობის სასახლის ბაღში შეიკრიბნენ და საპარალამენტო მანდატებზე უარის თქმასთან დაკავშირებით განცხადებას ხელი მოაწერეს.