"ანუ შენ გინდა, რომ 100%-ით ყველაფერზე დაგთანხმდნენ?" — ამ კითხვით მიმართა პარტია მოქალაქეების გენერალურმა, მდივანმა ლევან იოსელიანმა ევროპული საქართველოს წევრს, სერგი კაპანაძეს. რუსთავი 2-ის ეთერში ოპოზიციური პარტიები პარლამენტში შესვლის საკითხსა და მოქალაქეების ლიდერის, ალეკო ელისაშვილის განცხადებას განიხილავდნენ.

"მაშინ მე გისვამ შენ კითხვას; თუ უშვებენ პოლიტპატიმრებს, თუ ცვლიან საარჩევნო სისტემას, თუ ბარიერების საკითხი ლაგდება, თუ შანსი გვაქვს, რომ მართლა სამართლიანი არჩევნები მივიღოთ და მარტო ეს ერთი საკითხი რჩება [რიგგარეშე არჩევნები], ამ ერთი საკითხის გამო ამბობ ამ ყველაფერზე უარს და იმ ხალხს ტოვებ ციხეში?" — განაცხადა იოსელიანმა.

11 დეკემბერს მეათე მოწვევის პარლამენტის პირველი სხდომის პარალელურად ბარიერგადალახული ოპოზიციური პარტიები, პატრიოტთა ალიანსის გამოკლებით, გეგმავენ ხელი მოაწერონ მემორანდუმს, რომლითაც მანდატებზე უარს იტყვიან.

ორი დღით ადრე პარტია მოქალაქეების ლიდერმა, ალეკო ელისაშვილმა ფეისბუქლაივის დროს განაცხადა, რომ საარჩევნო კანონმდებლობისა და საარჩევნო ადმინისტრაციების რეფორმებზე შეთანხმების შემთხვევაში პარლამენტში შევა.

როგორც ელისაშვილი ამბობს, ქართულმა ოცნებამ დაიხია ყველა საკითხზე, რომელიც ოპოზიციამ მოლაპარაკებების მაგიდასთან დააყენა.

ამავე თემაზე: