სულ ცოტა ხნის წინ ამერიკის კინოაკადემიამ ოსკარის რიგით 89-ე დაჯილდოების ნომინანტები გამოაცხადა. როგორც მოსალოდნელი იყო, 2017 წლის ერთ-ერთმა ფავორიტმა ფილმმა, ლა ლა ლენდმა ნომინაციების რეკორდული რაოდენობა დააგროვა და ამ ფაქტით გაუთანაბრდა ისეთ ფილმებს, როგორებიცაა ტიტანიკი და ყველაფერი ევას შესახებ.

კიდევ ერთი მნიშვნელოვანი ამბავი კი ისაა, რომ ლეგენდარულმა მსახიობმა, მერილ სტრიპი ისტორიულ მეოცე ნომინაციაზე წარადგინეს ფილმისთვის ფლორენს ფოსტერ ჯენკინსი.

მერილ სტრიპს აქამდე სამი ოსკარი აქვს აღებული ფილმებისთვის: კრამერი კრამერის წინააღმდეგ, სოფის არჩევანი და რკინის ლედი. იმ შემთხვევაში, თუ სტრიპი წელს მეოთხე ოსკარს მიიღებს, იგი ოსკარების რაოდენობით ლეგენდარულ მსახიობ კეტრინ ჰეპბერნს გაუთანაბრდება.

შეგახსენებთ, რომ მერილ სტრიპმა წელს საპატიო ოქროს გლობუსიც მიიღო, სცენაზე წარმოთქმული სიტყვა კი უკვე შეფასდა წლის ერთ-ერთ მთავარ მოვლენად.

ოსკარების დაჯილდოების ცერემონიის პირდაპირი ეთერი ტელეკომპანია GDS-ზე 27 თებერვალს, თბილისის დროით დილის 05:30 საათზე დაიწყება. სწორედ ამ დროს გაირკვევა შევა თუ არა მერილ სტრიპი ოსკარის ისტორიების წიგნში, ამჯერაად ჯილდოების რაოდებობით.