დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

ჯანდაცვის მინისტრის ინფორმაციით, მსოფლიო ბანკის პროექტის ფარგლებში ქვეყანამ ჟანგბადის 1 000 კონცენტრატი მიიღო. ამის შესახებ ეკატერინე ტიკარაძემ საკოორდინაციო საბჭოს სხდომის შემდეგ ისაუბრა.

"დასრულდა ერთ-ერთი მთავარი ნაკადის ჩამოსვლა იმ შესყიდვების, რომელიც განხორციელდა მსოფლიო ბანკის პროექტის ფარგლებში ჯანდაცვის სამინისტროს მხრიდან და ამ ეტაპისთვის ჩვენ უკვე ქვეყანაში მიღებული გვაქვს 1 000 ჟანგბადის კონცენტრატორი, რომლის დარიგებაც დაწყებულია უკვე საჭიროებისამებრ. 300 BIPAP-HIGH-FLOW, 50 HIGH-FLOW და 500 BIPAP. ესეც რეგიონების მიხედვით საჭიროებისამებრ დარიგდება ყველა კლინიკაში და სასტუმროში, რაც, დარწმუნებული ვარ, მნიშვნელოვნად აისახება ჩვენი პაციენტების ჯანმრთელობის მდგომარეობაზე", — განაცხადა მინისტრმა.

8 დეკემბრის მონაცემებით, საქართველოში კორონავირუსის 4 673 ახალი შემთხვევა გამოვლინდა. გარდაიცვალა კიდევ 36 ადამიანი, ხოლო გამოჯანმრთელდა — 3 893.

ქვეყანაში კოვიდ-19-ის პანდემიის გავრცელებიდან დღემდე გამოვლენილი დადასტურებული შემთხვევების საერთო რაოდენობა შეადგენს 169 649-ს, ხოლო ჯამში გამოჯანმრთელებულთა რაოდენობა გაიზარდა 141 392-მდე. 2020 წლის 26 თებერვლიდან დღემდე სულ გვაქვს 1 576 გარდაცვალების შემთხვევა.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: