ნათელაშვილის განცხადებით, "ხალხს ჭკუა რომ ჰქონდეს", არჩევნებში 70%-ს აიღებდა

ლეიბორისტული პარტიის ლიდერის, შალვა ნათელაშვილის განცხადებით, მისი პარტია, ისტორიულად და იდეოლოგიურად, მუშაობს იმ პრობლემებზე, რაც აწუხებს მოსახლეობის 70%-ს, ამიტომ, "ხალხს ჭკუა რომ ჰქონდეს", სწორედ ამ შედეგს მიიღებდნენ არჩევნებზე.

"ჩვენი პარტია მუშაობს და იბრძვის იმ პრობლემებზე, რაც აწუხებს ჩვენი ხალხის 70%-ს, საერთოდ, ისტორიულად და იდეოლოგიურად", — განაცხადა ნათელაშვილმა.

ჟურნალისტის კითხვაზე, ელოდებოდა თუ არა 70%-ის აღებას არჩევნებზე, ნათელაშვილმა უპასუხა — "რატო არა, ჭკუა რომ ჰქონდეს კი, ხალხს".

ლეიბორისტული პარტიის ლიდერის თქმით, შეუძლებელია გაყალბებული არჩევნების შედეგების მიხედვით იმსჯელო, რომელი პარტია რამდენ ხმას აიღებდა, თუმცა, ქართული ოცნების ხელისუფლებაში დარჩენას, მაინც არ ელოდა.

"აბა რას გაიგებ, გაყალბებულ არჩევნებში ვის რამდენი დააკლდა, ვის რამდენი უნდა აეღო?! ყოველ შემთხვევაში, არ ველოდებოდი ქართული ოცნების ხელისლფებაში დარჩენას, ხალხთან ერთად", — განაცხადა შალვა ნათელაშვილმა.

დღეს ოპოზიციასა და მმართველ პარტიას შორის მოლაპარაკებების მესამე რაუნდი გაიმართა.

მოლაპარაკებები აშშ-სა და ევროკავშირის ელჩების, კარლ ჰარცელისა და კელი დეგნანის შუამავლობით მას შემდეგ მიმდინარეობს, რაც ოპოზიციამ უარი თქვა 31 ოქტომბერს გამართული საპარლამენტო არჩევნების შედეგების აღიარებაზე, მეორე ტურში მონაწილეობასა და პარლამენტში შესვლაზე.

გაიგეთ მეტი:

ბოლო ამბები:

გირჩევთ

ნათელაშვილის განცხადებით, "ხალხს ჭკუა რომ ჰქონდეს", არჩევნებში 70%-ს აიღებდა

კომენტარები

კვირის ტოპ-5

გირჩევთ

ახლა კითხულობენ

უზენაესი სასამართლოს მოსამართლედ სერგო მეთოფიშვილი დაინიშნა