სიღნაღში არასრულწლოვნის მიმართ გარყვნილი ქმედების ბრალდებით ერთი პირი დააკავეს. შსს-ს განცხადებით, 6 დეკემბერს, ალკოჰოლური თრობის მდგომარეობაში მყოფმა პირმა სიღნაღის მუნიციპალიტეტის ერთ-ერთ სოფელში არასრულწლოვნის მიმართ გარყვნილი ქმედება ჩაიდინა.

უწყების ცნობით, წინასწარი შეცნობით 14 წელს მიუღწეველი არასრულწლოვნის მიმართ ჩადენილ გარყვნილი ქმედების საქმეზე გამოძიება საქართველოს სისხლის სამართლის კოდექსის 141-ე მუხლის მე-2 ნაწილის "ვ" ქვეპუნქტით მიმდინარეობს, რაც 8-დან 12 წლამდე ვადით თავისუფლების აღკვეთას ითვალისწინებს.