სტრატეგია აღმაშენებლის ერთ-ერთი ლიდერის, სერგო ჩიხლაძის თქმით, რა შემოთავაზებაც მათ ხელისუფლებისგან მიიღეს არ არის საკმარისი. ამის შესახებ მან მთავარი არხის ეთერში ისაუბრა.

"ის, რაც შემოგვთავაზა ხელისუფლებამ, არ არის საკმარისი და ხვალ იმედია გვექნება ამაზე მსჯელობის უფლება, არ არის საკმარისი. პირდაპირ გეუბნებით, არ არის საკმარისი არც პარლამენტში შესასვლელად, არც მოლაპარაკებებისთვის", — განაცხადა მან.

დღეს ოპოზიციამ ლელოს ოფისში მესამე რაუნდის შესახებ იმსჯელა. როგორც მათ განაცხადეს, შეხვედრა ქართულ ოცნებასთან ხვალ ან ზეგ გაიმართება. გირჩის ერთ-ერთმა ლიდერმა, იაგო ხვიჩიამ განაცხადა, რომ მმართველმა პარტიამ თავისი წარმოადგინა უკვე წარმოადგინა და სწორედ ამაზე იმსჯელეს ოპოზიციონერმა ლიდერებმა დღეს მორიგ შეხვედრაზე.