მოქალაქეების ლიდერმა, ალეკო ელისაშვილმა ფასილიტატორებთან შეხვედრის შემდეგ განაცხადა, რომ დეტალებზე ვერ ისაუბრებდა, თუმცა მისი თქმით, ოპოზიცია შეჯერებული პოზიციით მივიდა, რომელსაც ელჩები ქართულ ოცნებას გააცნობენ.

"შევთანხმდით, რომ არ ვილაპარაკებდით დეტალებზე. მართლა ვიტანჯები, გულწრფელად. მეც ვიცი, რომ თქვენც იტანჯებით, მაგრამ ასე გვაქვს სიტყვა ნათქვამი. რითაც მოვედით, საიდუმლოდ კი არ დარჩება, ამაზე უბრალოდ ვერ ვილაპარაკებთ ჯერ", — განაცხადა ელისაშვილმა.

ოპოზიცია 31 ოქტომბერს ჩატარებული არჩევნების შედეგებს არ აღიარებს. მათ საპარლამენტო მანდატებზე უარი უკვე თქვეს და ბოიკოტი გამოუცხადეს არჩევნების მეორე ტურსაც, რომელიც 21 ნოემბერს ჩატარდა. მასში არცერთი ოპოზიციური პარტია მონაწილეობდა. 17 მაჟორიტარულ ოლქის გარდა, მეორე ტური გაიმართა ქუთაისის მერობის არჩევნებზეც. როგორც მოსალოდნელი, ოპოზიციის გარეშე ჩატარებულ არჩევნებში, სახელისუფლებო პარტიამ გაიმარჯვა.