დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

ჯანდაცვის მინისტრის მოადგილის, თამარ გაბუნიას განცხადებით, სამინისტრო კორონავირუსით გარდაცვალების შესასწავლად გარკვეული პერიოდი სჭირდება. როგორც მან მთავრობის ადმინისტრაციაში ბრიფინგზე განაცხადა, ჯერ შეფასება ექსპერტებმა უნდა გააკეთონ, რის შემდეგაც საქმე შეიძლება პროფესიული განვითარების საბჭოს გადაეცემა. ის ფიქრობს, რომ დეკემბერში უკვე იქნება დასრულებული ანგარიშები.

გაბუნიას განცხადებით, შემთხვევების შესწავლაზე მუშაობს როგორც აუდიტის ჯგუფი, ისე სამედიცინო და ფარმაცევტული საქმიანობის რეგულირების სააგენტო. მისი განმარტებით, საექსპერტო შეფასებისთვის საჭიროა ორი კვირიდან ერთ თვემდე, რასაც პროფესიული განვითარების საბჭოში გარკვეული პროცედურები მოჰყვება, თუ ეს პროფესიული განხილვის ფარგლებში რჩება.

"ჯანდაცვის სამინისტრო ამ შემთხვევაში განიხილავს მხოლოდ პროფესიული გადაცდომის შემთხვევებს. თუ სადმე იკვეთება ისეთი გადაცდომა, რომელიც სცდილდება პროფესიულ კომპეტენციას, მაშინ ეს ხდება უკვე სხვა ორგანოების კომპეტენცია და საქმე შესასწავლად გადაეცემათ შესაფერის სამსახურებს", — აღნიშნა გაბუნიამ.

4 დეკემბრის მონაცემებით, ბოლო 24 საათის განმავლობაში კორონავირუსის 5 068 ახალი შემთხვევა დადასტურდა. გამოჯანმრთელდა — 2 336, ხოლო გარდაიცვალა 38 ადამიანი.

ქვეყანაში პანდემიის გავრცელებიდან დღემდე გამოვლენილი დადასტურებული შემთხვევების საერთო რაოდენობა შეადგენს 152 704-ს, ხოლო ჯამში გამოჯანმრთელებულთა რაოდენობა გაიზარდა 126 904-მდე. 2020 წლის 26 თებერვლიდან დღემდე სულ გვაქვს 1 425 გარდაცვალების შემთხვევა.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: