აჭარის მთავრობის სახლთან მიმდინარე აქციაზე კიდევ ორი პირი დააკავეს. შსს-ს ინფორმაციით, მათ ადმინისტრაციულ სამართალდარღვევათა კოდექსის 173-ე და 166-ე მუხლების დარღვევას ედავებიან, რაც, შესაბამისად, სამართალდამცველის მოთხოვნაზე დაუმორჩილებლობას და წვრილმან ხულიგნობას გულისხმობს.

უწყების ინფორმაციით, დღვანდელ, 1 დეკემბრის აქციაზე ამავე მუხლებით, სულ 4 პირია დაკავებული.

აჭარის მთავრობის სახლთან აქცია მიმდინარეობას. აქციის მონაწილეები აჭარის მთავრობის თავმჯდომარესთან, თორნიკე რიჟვაძესთან შეხვედრას ითხოვენ. აქციაზე იმყოფებიან ოპოზიციის წარმომადგენლებიც.

შეხვედრაზე უარის მიღების შემდეგ აქციის მონაწილეებმა აჭარის მთავრობის თავმჯდომარის სამუშაო კაბინეტის ფანჯრებთან გადაინაცვლეს.

ოპოზიციური პარტიები 31 ოქტომბერს ჩატარებული საპარლამენტო არჩევნების შედეგებს აპროტესტებენ. აჭარაში უკვე ერთი თქვა აქციები მიმდინარეობს.