"ნუ მოიქცევით ისე, რომ თქვენი უსაქციელობით მშობლები მათ შვილებს ეუბნებოდნენ, რომ ასეთები არ გაიზარდოთო", — ასე მიმართა აჭარის მთავრობის თავმჯომარე, თორნიკე რიჟვაძემ აჭარის მთავრობის სახლთან შეკრებილ აქციის მონაწილეებს. მისი თქმით, ისინი "უსაქციელოდ" იქცევიან.

"თავს ვალდებულად მივიჩნევ ამ 20-კაციან ბანდას კიდევ ერთხელ მოვუწოდო, რომ არც პარტია, არც თქვენი გაქცეული, მსჯავრდებული ბელადი არ ღირს, რომ თქვენს უსაქციელობაზე, უკადრებლის კადრებაზე საუბრობდეს მთელი აჭარა. ამ კუთხის შვილები ხართ და რა თქმა უნდა, კიდევ ერთხელ მოგიწოდებთ, რომ ოდნავ მაინც შეინარჩუნოთ სახე, ისე, რომ მეზობელს მისალმება არ შერცხვეს და ნათესავს კიდე ოჯახში შეშვება. და რა თქმა უნდა, საბოლოო ჯამში ნუ მოიქცევით ისე, რომ თქვენი უსაქციელობით მშობლები მათ შვილებს ეუბნებოდნენ, რომ ასეთები არ გაიზარდოთო", — აცხადებს რიჟვაძე.

აჭარის მთავრობის სახლთან მიმდინარე აქციაზე ორი პირი დააკავეს. შსს-ს ინფორმაციით, მათ ადმინისტრაციულ სამართალდარღვევათა კოდექსის 173-ე და 166-ე მუხლების დარღვევას ედავებიან, რაც, შესაბამისად, სამართალდამცველის მოთხოვნაზე დაუმორჩილებლობას და წვრილმან ხულიგნობას გულისხმობს.

აჭარის მთავრობის სახლთან აქცია მიმდინარეობას. აქციის მონაწილეები აჭარის მთავრობის თავმჯდომარესთან, თორნიკე რიჟვაძესთან შეხვედრას ითხოვენ. აქციაზე იმყოფებიან ოპოზიციის წარმომადგენლებიც.

შეხვედრაზე უარის მიღების შემდეგ აქციის მონაწილეებმა აჭარის მთავრობის თავმჯდომარის სამუშაო კაბინეტის ფანჯრებთან გადაინაცვლეს.

ოპოზიციური პარტიები 31 ოქტომბერს ჩატარებული საპარლამენტო არჩევნების შედეგებს აპროტესტებენ. აჭარაში უკვე ერთი თვეა აქციები მიმდინარეობს.