სერიალი ეიფორია და მისი მთავარი ვარსკვლავი — ემის ისტორიული ჯილდოს მფლობელი ზენდეია ბრუნდებიან.

HBO-ს ამ თინეიჯერული დრამის ერთგულმა გულშემატკივრებმა უკვე კარგად იციან, რომ სულ რამდენიმე დღეში, 6 დეკემბერს სერიალის სპეციალური ეპიზოდი გამოვა. რამდენიმე საათის წინ კი სწორედ ამ ეპიზოდის პირველი ტრეილერი გამოქვეყნდა:

როგორც აქამდეც ვიცოდით, ეიფორიის პირველი სპეციალური ეპიზოდი მთავარი გმირის, რუს ირგვლივ განვითარდებოდა და ახალმა ტრეილერმაც დაადასტურა ეს: მომავალი სერია ზუსტად იმ მონაკვეთიდან გააგრძელებს სიუჟეტურ ხაზს, სადაც სერიალის პირველი სეზონი დასრულდა.

ამ თითქმის ერთწუთიან ვიდეოში ვხედავთ, რომ რუ კაფეში ზის და იხსენებს, თუ როგორ დაშორდა ჰანტერს. ბოლოს კი ვხედავთ, რომ მის პირისპირ ალი ზის, რომელიც ნარკოტიკზე დამოკიდებული პირების ანონიმურ შეხვედრაზე გაიცნო.

"რატომ დამირეკე?", — ეკითხება მას ალი და ამ კითხვაზე პასუხს მომავალ ეპიზოდში გავიგებთ.

ჯერ კიდევ ოქტომბერში გახდა ცნობილი, რომ HBO ამ გახმაურებული სატელევიზიო შოუს მეორე სეზონის გადაღებას ვერ ასწრებდა, თუმცა სანაცვლოდ მაყურებელს ორ სპეციალურ ეპიზოდს შესთავაზებს.

პირველ ეპიზოდს სულ მალე ვიხილავთ, მეორეს შესახებ კი ჯერ თითქმის არაფერია ცნობილი, მათ შორის არც გამოსვლის თარიღი. თუ გავითვალისწინებთ იმას, რომ პირველი ეპიზოდის სახელწოდებაა რუ, მეორე ეპიზოდი, დიდი ალბათობით, ჯულსის თვალთახედვით მოგვითხრობს განვითარებულ მოვლენებს.