დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

დაავადებათა კონტროლის ცენტრის ხელმძღვანელის, ამირან გამყრელიძის განცხადებით, ახლა საქართველო კორონავირუსის შემთხვევების პიკშია, თუმცა რამდენ ხანს გაგრძელდება პიკი, ბევრ ფაქტორზეა დამოკიდებული. ამის შესახებ გამყრელიძემ საკოორდინაციო საბჭოს სხდომის შემდეგ ისაუბრა.

"ვმერყეობთ 3-სა და 4 ათას შორის, რამდენიმე დღე გვქონდა, როცა გვქონდა 4 500 და 4 700. ანუ ჩვენ პიკში ვართ, მაგრამ ეს პიკი რამდენ ხანს გაგრძელდება, ეს დამოკიდებულია ბევრ ფაქტორზე, მათ შორის როგორ დავიცავთ იმ რეგულაციებს, რომელიც დაწესებულია", — აღნიშნა გამყრელიძემ.

მისივე თქმით, შემთხვევათა რაოდენობამ შეიძლება ცოტათი აიწიოს, თუმცა მათ მოლოდინები აქვთ, რომ არსებულ ფარგლებში დარჩებიან.

30 ნოემბრის მონაცემებით, ბოლო 24 საათის განმავლობაში კორონავირუსის 3 216 ახალი შემთხვევა დადასტურდა. გამოჯანმრთელდა — 3 937, ხოლო გარდაიცვალა — 37.

ქვეყანაში კოვიდ-19-ის პანდემიის გავრცელებიდან დღემდე გამოვლენილი დადასტურებული შემთხვევების საერთო რაოდენობა შეადგენს 135 584-ს. ასევე, გამოჯანმრთელებულთა რაოდენობა გაიზარდა 113 986-მდე. ხოლო, 2020 წლის 26 თებერვლიდან დღემდე სულ გვაქვს 1 267 გარდაცვალების შემთხვევა.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: