Variety-სთან ინტერვიუს დროს მსახიობმა ვუდი ჰარელსონმა დაადასტურა, რომ ვარსკვლავური ომების მომდევნო ნაწილში ჰან სოლოს აღმზრდელის გარის შრაიკს როლს შეასრულებს.

გარის შრაიკი თვითონაც კონტრაბანდისტი იყო, თუმცა ფიცხი ხასიათის გამო კრიმინალურ კარიერაში წარმატებას ვერ მიაღწია და ამიტომ ობოლი ბავშვების კრიმინალებად აღზრდა განიზრახა. მათ შორის იყო ჰან სოლოც.

ჰარელსონთან ერთად Star Wars-ის სამსახიობო დასს დონალდ გლოვერი (Community, Atlanta) და ემილია კლარკი (Game of Thrones) შეემატებიან.

დონალდ გლოვერი ახალგაზრდა ლენდო კალრისიანის როლში მოგვევლინება, ემილია კლარკის პერსონაჟის შესახებ კი ჯერჯერობით არაფერია ცნობილი.

ახალი ვარსკვლავური ომების პრემიერა 2018 წლის გაზაფხულზეა დაგეგმილი.