ქართული ოცნების აღმასრულებელი მდივნის, ირაკლი კობახიძის განცხადებით, რიგგარეშე არჩევნებზე საუბარი იმ პირობებში, როდესაც საქართველოში არჩევნები შედგა, ზედმეტია. მისივე თქმით, ეს საკითხი მოლაპარაკებების მაგიდასთან განხილული ვერ იქნება.

"რიგგარეშე არჩევნებზე საუბარი იმ პირობებში, როდესაც საქართველოში არჩევნები შედგა არის ზედმეტი და ეს არჩევნები აღიარებულია, როგორც თავისუფალი და კონკურენტული", — განაცხადა კობახიძემ რუსთავი 2-ის ღამის კურიერში.

კობახიძის მტკიცებით, ეს გამარჯვება არ ეკუთვნის მხოლოდ ქართულ ოცნებას, არამედ ეს არს მილიონი ადამიანის გამარჯვება, რასაც ვერ დათმობენ.

საქართველოში საპარლამენტო არჩევნების მეორე ტური 21 ნოემბერსაა დანიშნული. ოპოზიცია მასში არ მონაწილეობს, რადგან 31 ოქტომბერს ჩატარებული არჩევნების შედეგებს არ აღიარებს. მათ საპარლამენტო მანდატებზე უარი უკვე თქვეს. რიგგარეშე არჩევნების მოთხოვნით, ოპოზიციის წარმომადგენლები საპროტესტო აქციებს მართავენ.