ევროპული საქართველოს ერთ-ერთი ლიდერი, სერგი კაპანაძე, აშშ-ის სახელმწიფო მდივნის, მაიკ პომპეოს საქართველოში ვიზიტს აფასებს.

კაპანაძის თმით, მაშინ, როდესაც რეგიონში მრავალი გამოწვევაა უსაფრთხოების კუთხით, ამერიკის შეერთებული შტატების სახელმწიფო მდივნის ვიზიტი მნიშვნელოვანია.

"რა თქმა უნდა, ამერიკის სახელმწიფო მდივნის ვიზიტი მნიშვნელოვანია. ოპოზიციურმა პარტიებმა საერთო განცხადებაც გაავრცელეს ამ თემასთან დაკავშირებით, სადაც იმაზეა საუბარი, რომ ახლა, როდესაც ასეთი დიდი გამოწვევები არის რეგიონში, უსაფრთხოების გამოწვევები, მათ შორის, პირდაპირ ომთან დაკავშირებული საფრთხეები, კიბერ საფრთხეები, ზოგადად, რუსეთის აგრესიის საფრთხეები, ამერიკის შეერთებული შტატების სახელმწიფო მდივნის ვიზიტი არის მნიშვნელოვანი.

ასევე, ძალიან კარგი და სწორი იყო ის გზავნილი, რომელიც სამოქალაქო საზოგადოებამ გააჟღერა, საქართველოში ამერიკის მუდმივ სამხედრო ყოფნასთან დაკაშირებით. რა თქმა უნდა, ოპოზიციური ძალები მთლიანად მივესალმებით ასეთი ტიპის მიმართვას და ჩვენც ვუერთდებით მას", — აცხადებს სერგი კაპანაძე.

იგი აღნიშნავს, რომ მნიშვნელოვანია აშშ-ის ახალმა ადმინისტრაციამაც იგივე გეზი გააგრძელოს.

"საბოლოო ჯამში, ვიზიტი უსაფრთხოების კუთხით მნიშვნელოვანია. ჩვენთვის ეხლა მნიშვნელოვანია, რომ აშშ-ის ახალმა ადმინისტრაციამ იგივე გეზი გააგრძელოს და ჩვენ მათთან გვექნება ძალიან მჭიდრო თანამშორმლობა", — განაცხადა კაპანაძემ.