ინფექციური საავადმყოფოს განცხადებით, თენგიზ ცერცვაძის ჯანმრთელობის მდგომარეობა სტაბილური და უცვლელია. მათივე თქმით, ის სახლში მკურნალობას განაგრძობს, თუმცა ჯანმრთელობის გაუარესებისთანავე მისი ჰოსპიტალიზაცია მოხდება

"ისევე როგორც გუშინ საღამოს-ამ, საღამოსაც თენგიზ ცერცვაძეს იგივე სიმპტომები აქვს: სხეულის ტემპერატურა 37.7 გრადუსი (დილაობით შედარებით დაბალი ტემპერატურა ფიქსირდება). ყელის და თავის ტკივილი, ზოგადი სისუსტე და ხშირი ხველა", — აცხადებენ ისინი.

კლინიკაში აცხადებენ, რომ იგივე მდგომარეობაა თენგიზ ცერცვაძის ცოლის შემთხვევაშიც, ანა თოფურიას სიმპტომები ყელის ტკივილით და 37.0 გრადუსი ტემპერატურით შემოიფარგლება.

თენგიზ ცერცვაძის ინფორმაციითვე, მის ცოლს, რომელსაც ასევე დაუდასტურდა Covid-19, უფრო ნაკლები სიმპტომები აქვს — ყელის ტკივილი და 37,1 გრადუსი ტემპერატურა.

ინფექციური საავადმყოფოს ხელმძღვანელი მადლობას უხდის ყველას, ვინც დაინტერესდა მისი ჯანმრთელობის მდგომარეობით და ამბობს, ამის შესახებ ინფორმაციას პერიოდულად გამოაქვეყნებს ინფექციური პათოლოგიებისა და შიდსის ცენტრის Facebook გვერდზე.

ინფორმაცია იმის შესახებ, რომ თენგიზ ცერცვაძეს კორონავირუსი დაუდასტურდა, გუშინ, 17 ნოემბერს გავრცელდა. პანდემიის დაწყების დღიდან, ცერცვაძე კორონავირუსის მართვის პროცესში ჩაერთო, როგორც კლინიკური ჯგუფის ხელმძღვანელი. სწორედ მისი ხელმძღვანელობით დგინდება და განისაზღვრება ვირუსის მართვისა და მკურნალობის პროტოკოლები.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: