დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

ჯანდაცვის მინისტრის, ეკატერინე ტიკარაძის განცხადებით, აჭარაში საწოლფონდის დაფარვის საუკეთესო მაჩვენებელია. ამის შესახებ მან საკოორდინაციო საბჭოს სხდომის შემდეგ განაცხადა.

ყოველდღიურად კორონავირუსის ყველაზე მეტი შემთხვევა ვლინდება თბილისში, აჭარასა და იმერეთში. მხოლოდ დღეს, 16 ნოემბერს აჭარაში კორონავირუსის ახალი 519 ახალი შემთხვევა გამოვლინდა.

"აჭარა საქართველოს მასშტაბით არის ერთ-ერთი და ერთადერთი რეგიონი, რომელსაც აქვს საწოლფონდის დაფარვის საუკეთესო მაჩვენებელი, მიუხედავად ამისა, აჭარაში საწოლფონდის დამატება იგეგმება. მაგრამ აქ არის მნიშვნელოვანი კომპონენტი, რომ ჩვენ, ასევე, ვმუშაობთ პაციენტების კოვიდსასტუმროებსა და ბინებში გაწერებში", — განაცხადა ეკატერინე ტიკარაძემ.

საქართველოში ბოლო 24 საათის განმავლობაში გამოვლენილია ინფიცირების 3 157 ახალი შემთხვევა. ამასთან, 3 230 პირი გამოჯანმრთელდა, ხოლო 30 ადამიანი გარდაიცვალა.

პირველი ინფიცირების შემთხვევიდან დღემდე ქვეყანაში გამოვლენილი Covid-19-ის დადასტურებული შემთხვევების საერთო რაოდენობა 82 835-ს შეადგენს, საერთო ჯამში გამოჯანმრთელდა — 65 291, გარდაიცვალა — 733.

ამ ეტაპზე აქტიური ინფიცირებული შემთხვევა არის 16 785. 5 658 ადამიანი მკურნალობს საავადმყოფოში.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: