დაავადებათა კონტროლის ეროვნული ცენტრის ხელმძღვანელის, ამირან გამყრელიძის განცხადა, რომ როცა ნიღბის ტარების აუცილებლობაზე საუბრობს, სოციალურ ქსელში მასზე ქირქილებენ.

"თუ პირბადის მოხმარების მაჩვენებელს 95 პროცენტამდე ავიყვანთ, კორონავირუსით ინფიცირების რაოდენობას შევამცირებთ, დაახლოებით, 70 პროცენტით. გვენდეთ და დაგვიჯერეთ, რომ პირბადე ყველამ ყველა ადგილზე უნდა ვატაროთ. როცა ამას ვამბობ, სოციალურ ქსელში ჩემზე ქირქილია, რაო, სოფელში თუ ტყეში პირბადით ვიაროთო? ნუ გავაშარჟებთ ამ მოწოდებას. არავინ გეტყვით, ტყეში მარტო პირბადით იარეთ, მაგრამ თბილისში, ბათუმში, ქუთაისში, რუსთავში, ყველგან უნდა ვიაროთ პირბადით. აქ ირღვევა ყველაზე მეტი, მისი არტარება ან არასწორად ტარება — ცხვირის ქვემოთ, ნიკაპზე, მხარზე და ა.შ", — განაცხადა ამირან გამყრელიძემ.