შაქარაშვილის საქმეზე ბრალდებული არასრულწლოვნების ადვოკატები სასამართლოს მიერ გამოტანილი განაჩენის სააპელაციო სასამართლოში გასაჩივრებას აპირებენ.

"განაჩენის ჩაბარების შემდეგ, რა თქმა უნდა, გავასაჩივრებთ აღნიშნულ გადაწყვეტილებას, რადგან ეს არის არამარტო დაუსაბუთებელი გადაწყვეტილება, არამედ საფრთხელ უქმნის მთლიანად სისხლის სამართლის პოლიტიკას მომავალში", — განაცხადა ვახტანგ ჩიქოვანისა და არასრულწლოვანი ნ.ც-ს ადვოკატმა.

არასრულწლოვანი ლ.შ.-ს ადვოკატის, ზაქარია გვიშიანის განცხადებით, გადაწყვეტილება დაუსაბუთებელი იყო და სააპელაციო სასამართლოში გასაჩივრებას ისიც აპირებს.

"ყველა მიმართულებით რის დაუსაბუთებელი გადაწყვეტილება, ჩვენ აუცილებლად გავასაჩივრებთ სააპელაციო სასამართლოში და იმედია იქ მაინც დაგვხვდებიან ღირსეული მოსამართლეები, რომლებიც მიიღებენ კანონიერ და დასაბუთებულ გადაწყვეტილებას", — განაცხადა გვიშიანმა.

შაქარაშვილის საქმეზე 6 არასრულწლოვანი ბრალდებულის მიმართ მოსამართლემ გამამტყუნებელი განაჩენი გამოიტანა.

შაქარაშვილის საქმეზე დაკავებული 6 არასრულწლოვნის საქმე ცალკე წარმოებად იყო გამოყოფილი. მათ გამოძიება ედავებოდა ჯგუფური ძალადობის ორგანიზებას, ძალადობაში მონაწილეობასა და თავისუფლების უკანონო აღკვეთას.