63 წლის იტალიელი კონსერვატორი, სილვიო ბერლუსკონის ყოფილი წარმომადგენელი და ყოფილი ევროპელი კომისარი, ანტონიო ტაიანი ევროპარლამენტის ახალ პრეზიდენტად აირჩიეს. ინფორმაციას ამის შესახებ BBC ავრცელებს.

ტაიანმა 351 ხმით 282-ს წინააღმდეგ, ასევე იტალიელი, თუმცა სოციალისტი ჯანი პიტელა დაამარცხა და მარტინ შულცის ადგილი დაიკავა.

მარტინ შულცი ევროპულ პარლამენტს ტოვებს და გერმანიის ეროვნულ პოლიტიკას უბრუნდება.

ტაიანი ევროპული ხალხის პარტიის (EPP) წევრია. EPP საქართველოსა და უკრაინისთვის სავიზო ლიბერალიზაციის დაწესებას მყარად უჭერს მხარს.