ევროპული საქართველოს ერთ-ერთი ლიდერის, გიგა ბოკერიას თქმით, ბიძინა ივანიშვილი ფარაონია, რომელსაც როგორც საკუთარი შინაური ცხოველების კოლექცია აქვს, ისე უნდა ჰქონდეს ქვეყანაც. ამის შესახებ მან TV პირველთან ინტერვიუში ისაუბრა.

"თვითონ ამ ფარაონს უნდა, რომ როგორც თავისი პატარა შინაური ცხოველების კოლექცია რომ აქვს, ისე ჰქონდეს ეს ქვეყანა. ამ ძალაუფლებით ტკბება. ეს არის მოტივაცია მხოლოდ და დიახ, ამას ეწირება მომავალი და ეს უნდა ესმოდეს ყველა მოქალაქეს", — ამბობს ბოკერია.

31 ოქტომბრის საპარლამენტო არჩევნების შედეგებს ოპიზიცია არ აღიარებს და ქუჩაში საპროტესტო აქციებს მართავს. პარტიებმა საკანონმდებლო ორგანოში შესვლაზე უარი უკვე თქვეს. დიდი აქციაა დაგეგმილი კვირას, 8 ნოემბერს პარლამენტის შენობასთან, რუსთაველის გამზირზე. ისინი ხელახალი არჩევნების ჩატარებას მოითხოვენ.