სახალხო დამცველის, ნინო ლომჯარიას განცხადებით, სადამკვირვებლო ორგანიზაციებმა (ISFED, GYLA, TI) მიაწოდეს ინფორმაცია, რომ საჩივრების განხილვის დროს, საოლქო საარჩევნო კომისიებში მათ დამკვირვებლებს შეურაცხმყოფელად და აგდებულად ექცეოდნენ. მისი თქმით, ეს ქმნის დამაშინებელ გარემოს.

"მივმართავ ცენტრალურ საარჩევნო კომისიას, საოლქო კომისიებში სადამკვირვებლო ორგანიზაციებისთვის უზრუნველყოს ზეწოლისაგან თავისუფალი, საქმიანი და ეთიკური სამუშაო გარემო!" — აცხადებს ომბუდსმენი.

2020 წლის საპარლამენტო არჩევნები 31 ოქტომბერს ჩატარდა. საერთაშორისო თანამეგობრობამ არჩევნების ლეგიტიმურობა აღაირა, ოპიზიციამ კი არა. ის, რომ არჩევნები დარღვევების ფონზე ჩატარდა, აღიარებენ, როგორც საერთაშორისო, ასევე, ადგილობრივი დამკვირვებლები.