დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

ვინც თეატრებსა და კინოთეატრებში ვიზიტს და მულანის ნახვას 1 ნოემბერს გეგმავდით, კორონავირუსის შემთხვევების ზრდის გამო მოცდა მოგიწევთ. კულტურის სამინისტროს ინფორმაციით, მათი სრულყოფილად ამოქმედება ახალი ეპიდემიოლოგიური ვითარების გათვალისწინებით განისაზღვრება. გადაწყვეტილება უწყებათაშორისმა საკოორდინაციო საბჭომ მიიღო.

ამ ეტაპზე, ჯანდაცვის სამინისტროს მიერ შემუშავებული რეგულაციების გათვალისწინებით, დაშვებულია კულტურული ღონისძიებების ჩატარება ღია სივრცეში 200-მდე ადამიანის მონაწილეობით, გახსნილია მუზეუმები და მუზეუმ-ნაკრძალები, დაშვებულია ფილმების წარმოება და დახურულ სივრცეში რეპეტიციების ჩატარება. სხვა სახის კულტურული ღონისძიებების მოწყობა კი მხოლოდ დისტანციური ფორმით არის შესაძლებელი.

თავდაპირველად კინოთეატრები 15 სექტემბერს, ხოლო თეატრები — 1 ოქტომბერს უნდა გახსნილიყო. კორონავირუსის შეზღუდვების ზრდის გამო მთავრობის გადაწყვეტილებით სხვადასხვა სოციალური ღონისძიების, მათ შორის ქორწილებისა და ქელეხების ჩატარება იკრძალება. ამასთან, აიკრძალება ღია ცის ქვეშ კლუბები. თეატრებისა და კინოთეატრების გახსნა კი პირველ ნოემბრამდე გადაიდო.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: