დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

2 ნოემბერს საქართველოში კორონავირუსით 7 ადამიანი გარდაიცვალა. გარდაცვალების 6 შემთვევა აჭარაში დაფიქსირდა, ხოლო 1 — კახეთში.

ამ დროისთვის გარდაცვალების შემთხვევათა ჯამური რაოდენობა 342-ია.

დღეს საქართველოში კორონავირუსის 1 852 ახალი შემთხვევა დადასტურდა. ამის შესახებ უწყებათაშორის საკოორდინაციო საბჭოსთან არსებული საოპერაციო შტაბის უფროსის მოადგილემ, ბერდია სიჭინავამ ისაუბრა.

"ქვეყანაში გამოვლენილი კორონავირუსის დადასტურებული შემთხვევების საერთო რაოდენობა 42 579-ია. გამოჯანმრთელდა 1 696 პირი, ხოლო ჯამში გამოჯანმრთელებულთა რაოდენობა 26 800-მდე გაიზარდა" — განაცხადა ბერდია სიჭინავამ.

დედაქალაქისა და რეგიონების მიხედვით მაჩვენებლები გამოიყურება შემდეგი სახით:

  • თბილისში — 650;
  • აჭარაში — 389;
  • იმერეთში — 441;
  • ქვემო ქართლში — 68;
  • შიდა ქართლში — 51;
  • გურიაში — 28;
  • სამეგრელოსა და ზემო სვანეთში — 114;
  • კახეთში — 20;
  • მცხეთა-მთიანეთში — 51;
  • სამცხე-ჯავახეთში — 27;
  • რაჭა-ლეჩხუმსა და ქვემო სვანეთში — 13.

ამ ეტაპზე, აქტიური ინფიცირებული შემთხვევა არის 15 411. 4 293 ადამიანი მკურნალობს საავადმყოფოში, მათ შორის, თბილისის საავადმყოფოებში — 2 125; აჭარაში — 709. მძიმე პაციენტი არის — 519, მათ შორის, თბილისში — 279; აჭარაში — 86. აქედან, ხელოვნური სუნთქვის აპარატზე იმყოფება 230 ადამიანი, მათ შორის, თბილისში — 100; აჭარაში — 83.

2 236 პირი არის კოვიდ-სასტუმროში, მათ შორის, 1 077 — აჭარაში; ხოლო 837 — თბილისში. 8 882 ადამიანი მკურნალობს ბინაზე. საკარანტინე სივრცეშია 2 977 ადამიანი, მათ შორის, თბილისში — 609; აჭარაში — 1 419.

სულ 6 ოქტომბრის-1 ნოემბრის პერიოდში, საზღვრიდან გადაყვანილია — 10 982 პირი. დღეის მდგომარეობით, თვითიზოლაციაში იმყოფება 29 876 ადამიანი, საიდანაც თბილისში — 2 867 პირი; აჭარაში — 13 341; იმერეთში — 3 813.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: