ევროსაბჭოს საპარლამენტო ასამბლეის (PACE) სადამკვირვებლო მისიის ხელმძღვანელის, ტინი კოქსის განცხადებით, ოპოზიციური პარტიების მხრიდან არჩევნების შედეგების ეჭვის ქვეშ არჩევნების დღესვე დაყენება და აქციებისკენ მოწოდება ამომრჩეველთა უპატივცემულობაა. ის, ასევე, პარლამენტს მოუწოდებს, მალე შეიკრიბოს.

"არჩევნების დღესვე არჩევნების შედეგების ეჭვქვეშ დაყენება განვითარებული დემოკრატიებისთვის დამახასიათებელი არ არის. მოვუწოდებ ყველა პარტიას, პირველ რიგში, გაეცნონ არჩევნების შედეგებს, შეაფასონ, საჭიროებისამებრ გამოიყენონ შესაძლებლობები გასაჩივრებისთვის და მერე მიიღონ გადაწყვეტილება", — განაცხადა კოქსმა პრესკონფერენციაზე.

ამ წუთებში ოპოზიცია რუსთაველზე საპროტესტო აქციას მართავს. ოპოზიციური პარტიები ცენტრალური საარჩევნო კომისიის მიერ დათვლილ ხმებს არ ეთანხმებიან.