დღეს, 13 იანვარს, განათლებისა და მეცნიერების სამინისტროში პროგრამის განათლების მიღების მეორე შესაძლებლობა პრეზენტაცია გაიმართა.

მინისტრის თქმით, საუბარია ზრდასრულ ადამიანებზე, რომლებმაც მიზეზთა გამო წარსულში ვერ მიიღეს სასკოლო განათლება.

განათლების სამინისტროს ცნობით, პროგრამის მიზანია საქართველოს ყველა მოქალაქეს, განურჩევლად ასაკისა, დაეხმაროს მიიღოს სავალდებულო ზოგადი განათლება.

უწყება განმარტავს, რომ პროგრამის ფარგლებში მოხდება იმ ბავშვების იდენტიფიცირება, რომლებიც არ დადიან სკოლებში. ასევე, შესაძლებელი გახდება იმ მოსწავლეების დროული აღმოჩენა და პრევენცია, რომლებმაც ოჯახური თუ, სხვა პირობების გამო, შეიძლება ვერ დაამთავრონ სავალდებულო 9 კლასი და ამოქმედდება სასწავლო პროგრამები მიუსაფარი ბავშვებისთვის;

სავალდებულო 9 კლასის არმქონე პირებისთვის შემუშავდება ზოგადი განათლების ისეთი პროგრამები, რაც პროფესიული განათლების საფეხურზე სწავლის გაგრძელების წინაპირობა გახდება.