წინასწარი მონაცემებით, გლდანის მაჟორიტარულ ოლქში მეორე ტურია მოსალოდნელი. ამ ეტაპისთვის 115 საარჩევნო უბნიდან 50-ია დათვლილი და ნაციონალური მოძრაობის კანდიდატი, ნიკა მელია ლიდერობს. მცირედი სხვაობით მას ქართული ოცნების კანდიდატი, ლევან კობიაშვილი მოყვება.

ხმები ასე გადანაწილდა:

  • ნიკა მელია — 44,76%;
  • ლევან კობიაშვილი — 43,94%;
  • მერაბ ჭიქაშვილი — 4,03%;
  • გიგლა მიქაუტაძე — 3,43%.

წინასწარი მონაცემებით, დათვლილია უკვე ხმების 96,85%. პროპორციულ სიებში, ამ ეტაპისთვის ხმების 48,06 პროცენტით ქართული ოცნება ლიდერობს. ნაციონალურმა მოძრაობამ კი 27,7 პროცენტი აიღო.

დანარჩენ პარტიებს შორის ხმები ასე გადანაწილდა:

  • ევროპული საქართველო — 3,79%
  • ლელო — 3,18%
  • პატრიოტთა ალიანსი — 3,18%
  • სტრატეგია აღმაშენებელი — 3,15%
  • გირჩი — 2,92%
  • მოქალაქე — 1,34%
  • ლეიბორისტული პარტია — 1%

ცესკოს პირველადმა შედეგებმა ოპოზიციის კრიტიკა და გაღიზიანება გამოიწვია. პოლიტიკური პარტიის ლიდერები აცხადებენ, რომ არჩევნების შედეგები რეალობას არ ასახავს. გვიან ღამით ისინი ცესკოს ოფისთან შეიკრიბნენ და გააპროტესტეს. ადგილზე მობილიზებული იყო პოლიცია.

დღეს, პირველ ნოემბერს 16:00 საათზე ოპოზიცია საპროტესტო აქციას გეგმავს, სადაც გაჟღერდება მათი გეგმებისა და მოთხოვნების შესახებ.

გაიგეთ მეტი ეგზიტპოლების შედეგებზე: