არჩევნებზე ოქმებთან დაკავშირებულ ხარვეზებზე ქართული ოცნების აღმასრულებელმა მდივანმა, ირაკლი კობახიძემ განაცხადა, რომ ეს ყველა პარტიის პასუხისმგებლობაა, რამდენადაც ოქმს ყველა მათგანი აწერს ხელს.

"ოქმებთან დაკავშირებით იყო ხარვეზები, მაგალითად, აქტივობა არასწორად დაფიქსირდა, შესაბამისად, ხმების რაოდენობა მნიშვნელოვნად ცდებოდა აქტივობის მაჩვენებელს. ეს არის მარტივი ხარვეზი, რაც ყველა არჩევნებზე ზოგიერთ უბანს ეპარება, ხოლმე. ყურადღება მიაქციეთ, რომ როცა ეს ოქმი დგება, ხელს აწერს ყველა პარტიის წარმომადგენელი, ანუ ასეთი ხარვეზები ეპარება ყველა პარტიას ერთდროულად", — განაცხადა ირაკლი კობახიძემ.

მისი თქმით, ეს არის ტექნიკური ხარვეზი, რომელიც ოლქისა და ცესკოს დონეზე სწორდება.

2020 წლის საპარლამენტო არჩევნების შესახებ

31 ოქტომბერს, საქართველოს პარლამენტის არჩევნები გაიმართა. წელს პირველად, საარჩევნო სისტემა ყველაზე მეტად მიუახლოვდა სრულად პროპორციულს და არჩევნების 120/30 მანდატების თანაფარდობით ჩატარდა. აღნიშნული 8 მარტს ოპოზიციისა და მმართველ გუნდს შორის აშშ-ს ელჩის რეზიდენციაში გამართულ არაფორმალურ შეხვედრაზე გადაწყდა. იქვე, სამთავრობო გუნდი და ოპოზიცია, ასევე, შეთანხმდა, რომ პარტია, რომელიც 40%-იან მხარდაჭერას ვერ მოიპოვებს, მთავრობის დაკომპლექტებას ვერ შეძლებს. რაც შეეხება ბარიერს, იგი — 1%-ია.

მთელი ქვეყნის მასშტაბით საარჩევნო უბნები 8 საათზე გაიხსნა და ხმის მიცემის პროცესი დაიწყო. უბნები 20:00 საათზე დაიხურა.

გაიგეთ მეტი არჩევნებზე: