ქართული ოცნების აღმასრულებელი მდივნის, ირაკლი კობახიძის განცხადებით, ციფრების ცვლილებებზე საუბრები წმინდა წყლის სპეკულაციებია და მეტი არაფერი. ასე გამოეხმაურა ის ოქმებში დისბალანსზე დასმულ კითხვაზე.

"ბალანსის საკითხი სპეცუბნებს უკავშირდება, რაც შეეხება სტანდარტულ ოქმებს, იქ არსად ბალანსის საკითხი არ დგას. ჯამში ხმების რაოდენობის არის 0 და რაღაცა პროცენტი, შესაბამისად ეს არის წმინდა წყლის სპეკულაცია. რაც შეეხება ძირითადად ოქმებს, ოქმები სტანდარტულად დგება", — განაცხადა კობახიძემ.

2020 წლის საპარლამენტო არჩევნების შესახებ

დღეს 31 ოქტომბერს, საქართველოს პარლამენტის არჩევნები იმართება. წელს პირველად, საარჩევნო სისტემა ყველაზე მეტად მიუახლოვდა სრულად პროპორციულს და არჩევნების 120/30 მანდატების თანაფარდობით ტარდება. აღნიშნული 8 მარტს ოპოზიციისა და მმართველ გუნდს შორის აშშ-ს ელჩის რეზიდენციაში გამართულ არაფორმალურ შეხვედრაზე გადაწყდა. იქვე, სამთავრობო გუნდი და ოპოზიცია, ასევე, შეთანხმდა, რომ პარტია, რომელიც 40%-იან მხარდაჭერას ვერ მოიპოვებს, მთავრობის დაკომპლექტებას ვერ შეძლებს. რაც შეეხება ბარიერს, იგი — 1%-ია.

მთელი ქვეყნის მასშტაბით საარჩევნო უბნები 8 საათზე გაიხსნა და ხმის მიცემის პროცესი დაიწყო. უბნები დღეს 20:00 საათზე დაიხურება.

ისტორიაში პირველად, არჩევნები პროპორციულთან მიახლოებული, 120/30-ზე სისტემით გაიმართება.

გაიგეთ მეტი არჩევნებზე: