ქართული ოცნების აღმასრულებელი მდივანი, ირაკლი კობახიძე არჩევნების შედეგების გამოცხადებამდე ერთი საათით ადრე ყველას მოუწოდებს ქართული ოცნების გამარჯვება გაიზიარონ.

"ცოტა დრო რჩება დამაჯერებელი გამარჯვების გამოცხადებამდე. მოვუწოდებ ყველას მშვიდად მიიღონ არჩევნების შედეგები და საარჩევნო კომისიებს შეუფერხებლად მუშაობის საშუალება მისცენ. მოგიწოდებთ, გაიზიაროთ ქართული ოცნების გამარჯვება და მონაწილეობა მიიღოთ ბოლო 1 საათის განმავლობაშიც არჩევნებში", — განაცხადა კობახიძემ ქართული ოცნების ოფისში გამართულ ბრიფინგზე.

2020 წლის საპარლამენტო არჩევნების შესახებ

დღეს 31 ოქტომბერს, საქართველოს პარლამენტის არჩევნები იმართება. წელს პირველად, საარჩევნო სისტემა ყველაზე მეტად მიუახლოვდა სრულად პროპორციულს და არჩევნების 120/30 მანდატების თანაფარდობით ტარდება. აღნიშნული 8 მარტს ოპოზიციისა და მმართველ გუნდს შორის აშშ-ს ელჩის რეზიდენციაში გამართულ არაფორმალურ შეხვედრაზე გადაწყდა. იქვე, სამთავრობო გუნდი და ოპოზიცია, ასევე, შეთანხმდა, რომ პარტია, რომელიც 40%-იან მხარდაჭერას ვერ მოიპოვებს, მთავრობის დაკომპლექტებას ვერ შეძლებს. რაც შეეხება ბარიერს, იგი — 1%-ია

მთელი ქვეყნის მასშტაბით საარჩევნო უბნები 8 საათზე გაიხსნა და ხმის მიცემის პროცესი დაიწყო. უბნები დღეს 20:00 საათზე დაიხურება.

ისტორიაში პირველად, არჩევნები პროპორციულთან მიახლოებული, 120/30-ზე სისტემით გაიმართება.

გაიგეთ მეტი არჩევნებზე: