თბილისში ერთ-ერთი საარჩევნო უბნის მიმდებარედ შეკრებილმა პირებმა ჟურნალისტებს სიტყვიერი და ფიზიკური შეურაცხყოფა მიაყენეს და აგინეს. მთავარი არხის გავრცელებულ კადრებში ჩანს, რომ ამ ფაქტს შეესწრო პოლიცია, რომელსაც არანაირი რეაგირება არ ჰქონია.

ჟურნალისტის შენიშვნაზე, პოლიციელს ემოქმედა, როცა მას შეურაცხყოფას აყენებდნენ, სამართალდამცავი პასუხობს — "მაცადე, ერთი წამით" — და ტელეფონში მესიჯის წერას აგრძელებს.

ამ დროს ჟურნალისტს ეუბნებიან — "შუერაცხყოფებს კი არა, დასახოცები ხართ ყველა" და ისევ აგინებენ, პოლიცია ისევ უმოქმედოდაა. ჟურნალისტი მოითხოვს, რომ სამართალდამცავს რეაგირება ჰქონდეს და ოქმი გამოწეროს, რაზეც პასუხად იღებს: "თქვენ რატომ მასწავლით რა დავუწერო" და ამ დროს აგრესიული პირი ისევ აგინებს ჟურნალისტს.

მომხდარის დეტალების გარკვევას On.ge შინაგან საქმეთა სამინისტროში ცდილობს. ინფორმაციას მიღებისთანავე შემოგთავაზებთ.

ამ ფაქტს გამოეხმაურა მმართველი გუნდის ლიდერი მამუკა მდინარაძეც და განაცხადა, რომ კონფლიქტში არ მონაწილეობდნენ ქართული ოცნების წარმომადგენლები. მისი თქმით, დაპირისპირება ენმ-ს აქიტივსტებმა სპეციალურად გამოიწვიეს და მედია "მობილიზებული" იყო.

2020 წლის საპარლამენტო არჩევნების შესახებ

დღეს 31 ოქტომბერს, საქართველოს პარლამენტის არჩევნები იმართება. წელს პირველად, საარჩევნო სისტემა ყველაზე მეტად მიუახლოვდა სრულად პროპორციულს და არჩევნების 120/30 მანდატების თანაფარდობით ტარდება. აღნიშნული 8 მარტს ოპოზიციისა და მმართველ გუნდს შორის აშშ-ს ელჩის რეზიდენციაში გამართულ არაფორმალურ შეხვედრაზე გადაწყდა. იქვე, სამთავრობო გუნდი და ოპოზიცია, ასევე, შეთანხმდა, რომ პარტია, რომელიც 40%-იან მხარდაჭერას ვერ მოიპოვებს, მთავრობის დაკომპლექტებას ვერ შეძლებს. რაც შეეხება ბარიერს, იგი — 1%-ია.

მთელი ქვეყნის მასშტაბით საარჩევნო უბნები 8 საათზე გაიხსნა და ხმის მიცემის პროცესი დაიწყო. უბნები დღეს 20:00 საათზე დაიხურება.

ისტორიაში პირველად, არჩევნები პროპორციულთან მიახლოებული, 120/30-ზე სისტემით გაიმართება.

გაიგეთ მეტი არჩევნებზე: