მთავარი არხი ავრცელებს ვიდეოს, სადაც ჩანს, რომ მანქანაში მყოფ პირს ცესკოს ვებგვერდიდან აღებული სიები აქვს. კითხვაზე, რატომ აქვს და რა სიებია, ის ფურცლების დამალვას იწყებს და თან ამტკიცებს, რომ არ მალავს. მასთან ერთად მყოფი პირი კი ამბობს, რომ ეს "გარდაცვალების სიებია".

"არ ვმალავ არაფერს, ჩემი ნივთია და როგორც მინდა ისე მოვექცევი. თუ მინდა დავმალავ და თუ მინდა დავხევ. ვაიმე, რაღა ვქნა.

უფლება არა მაქვს კი არა, არ მინდა, რომ ვისაუბრო. არ მინდა თქვენთან საუბარი. რატომ უნდა გითხრათ, ვისი წარმომადგენელი ვარ ან რომელი კოორდინატორი ვარ", — განუცხადა მან ჟურნალისტს.

2020 წლის საპარლამენტო არჩევნების შესახებ

დღეს 31 ოქტომბერს, საქართველოს პარლამენტის არჩევნები იმართება. წელს პირველად, საარჩევნო სისტემა ყველაზე მეტად მიუახლოვდა სრულად პროპორციულს და არჩევნების 120/30 მანდატების თანაფარდობით ტარდება. აღნიშნული 8 მარტს ოპოზიციისა და მმართველ გუნდს შორის აშშ-ს ელჩის რეზიდენციაში გამართულ არაფორმალურ შეხვედრაზე გადაწყდა. იქვე, სამთავრობო გუნდი და ოპოზიცია, ასევე, შეთანხმდა, რომ პარტია, რომელიც 40%-იან მხარდაჭერას ვერ მოიპოვებს, მთავრობის დაკომპლექტებას ვერ შეძლებს. რაც შეეხება ბარიერს, იგი — 1%-ია.

მთელი ქვეყნის მასშტაბით საარჩევნო უბნები 8 საათზე გაიხსნა და ხმის მიცემის პროცესი დაიწყო. უბნები დღეს 20:00 საათზე დაიხურება.

ისტორიაში პირველად, არჩევნები პროპორციულთან მიახლოებული, 120/30-ზე სისტემით გაიმართება.

გაიგეთ მეტი არჩევნებზე: