ქართული ოცნების ლიდერი, ბიძინა ივანიშვილის პროგნოზით, ქართული ოცნება ამ არჩევნებში მმართველი პარტია "არანაკლებ 55-ის, არანაკლებ 60 პროცენტის ფარგლებში აიღებს ხმებს.

"ჩვენ ვაცხადებთ მუდამ, კვლევებს ვატარებთ. სტაბილური კვლევები გვქვს ყველგან. ჩვენ ვფიქრობთ, რომ არანაკლებ 55-ის, არანაკლებ 60-ის, აი, ამ შუალედში. თქვენ თუ მიადევნებთ თვალს, სხვა კვლევებიც არსებობს, გარდა შიდაპარტიულისა. რა თქმა უნდა, ორი სამი არხი მხოლოდ, რომელიც სიცრუეზეა აგებული, მათ კვლევებს ანგარიშს არ ვუწევთ. სხვა დანარჩენი კვლევები სწორედ ამაზე მიანიშნებს", — განაცხადა ივანიშვილმა.

2020 წლის საპარლამენტო არჩევნების შესახებ

დღეს 31 ოქტომბერს, საქართველოს პარლამენტის არჩევნები იმართება. წელს პირველად, საარჩევნო სისტემა ყველაზე მეტად მიუახლოვდა სრულად პროპორციულს და არჩევნების 120/30 მანდატების თანაფარდობით ტარდება. აღნიშნული 8 მარტს ოპოზიციისა და მმართველ გუნდს შორის აშშ-ს ელჩის რეზიდენციაში გამართულ არაფორმალურ შეხვედრაზე გადაწყდა. იქვე, სამთავრობო გუნდი და ოპოზიცია, ასევე, შეთანხმდა, რომ პარტია, რომელიც 40%-იან მხარდაჭერას ვერ მოიპოვებს, მთავრობის დაკომპლექტებას ვერ შეძლებს. რაც შეეხება ბარიერს, იგი — 1%-ია.

მთელი ქვეყნის მასშტაბით საარჩევნო უბნები 8 საათზე გაიხსნა და ხმის მიცემის პროცესი დაიწყო. უბნები დღეს 20:00 საათზე დაიხურება.

ისტორიაში პირველად, არჩევნები პროპორციულთან მიახლოებული, 120/30-ზე სისტემით გაიმართება.

გაიგეთ მეტი არჩევნებზე: