ნაციონალური მოძრაობის ლიდერის, ზაალ უდუმაშვილის განცხადებით, მან არ იცოდა ენმ-ის პარტიული სიის პირველი ნომერი, ბუბა კიკაბიძე აქციაზე სიმღერის რუსულად შესრულებას რომ აპირებდა.

"მე არ ვიცოდი ბატონი ბუბას რეპერტუარი ნამდვილად, მაგრამ ვერაფერს ვერ ვხედავ იმაში ცუდს, რაც მე მოვისმინე სცენიდან. ეს არის ცნობილი სიმღერა, რომელიც ორ ენაზეა და კიდევ მეორე — რა ვიცი, გაიგონ ოკუპანტებმა, როგორ კარგ ქალაქში ვცხოვრობთ", — განაცხადა ზაალ უდუმაშვილმა.

ენმ-ს წინასაარჩევნო ღონისძებაზე სიის პირველმა ნომერმა, ბუბა კიკაბიძემ თბილისი ქართულად და რუსულად იმღერა, რასაც საზოგაოდების კრიტიკა მოყვა. ძალა ერთობაშიას კანდიდატმა, ნანუკა ჟორჟოლიანმა განაცხადა, რომ, უბრალოდ, ფონოგრამა აერიათ და ბუბამ არ შეიმჩნია, თავად კიკაბიძემ კი ასე განმარტა:

"ბუბამ რატომ იმღერა ორი კუპლეტი რუსულად "თბილისოო". მე ვუთხარი, იმიტომ, რომ გაეგოთ, როგორი ლამაზი ქვეყანა ვართ ჩვენ".