ნაციონალური მოძრაობის წევრისა და განათლების ყოფილი მინისტრის, დიმიტრი შაშკინის განცხადებით, წულუკიანს იურისტის განათლება არ აქვს და იურიდიულ საკითხებში უჭირს. აღნიშნულით შაშკინმა თეა წულუკიანის მიერ დღეს, 27 ოქტომბერს გაკეთებულ განცხადებას უპასუხა.

"ქალბატონი მინისტრი არ არის იურისტი განათლებით, დიპლომი არ აქვს. აქედან გამომდინარე, გასაგებია, რომ იურიდიულ საკითხებში უჭირს. 2014 წელს მე და ჩემმა მეგობრებმა შევქმენით, რომელიც აკვირდებოდა არჩევნებს 2016-ში, 2017-ში, 2018-ში და 2020-ში. როდესაც საუბრობს, რომ ახალი ორგანიზაციები შევქმენით, ეს არის ტყუილი", — განაცხადა შაშკინმა ფორმულას ეთერში

იუსტიციის ყოფილმა მინისტრმა, თეა წულუკიანმა დღეს 27 ოქტომბერს, განაცხადა, რომ არჩევნებზე დამკვირვებლად დარეგისტრირებული 129 ორგანიზაციიდან 32 პირდაპირ დაკავშირებულია, ან ამა თუ იმ ფორმით აფილირებული ოპოზიციასთან.

ყოფილი მინისტრის თქმით, 2020 წლის არჩევნებს ორგანიზაცია რეფორმატორთა კლუბი დააკვირდება, რომლის დამფუძნებელი დიმიტრი შაშკინია, გამგეობის თავმჯდომარე კი მურთაზ ზოდელავა.

"სწორედ ბატონი მურთაზ ზოდელავა და შაშკინი, როგორც ჩანს, "დააკვირდებიან" 2020 წლის საპარლამენტო არჩევნებს და შემდეგ შემოგვთავაზებენ ვითომ და ძალიან ნეიტრალურ შეფასებებს", — თქვა წულუკიანი.