საქართველოს პრეზიდენტის, სალომე ზურაბიშვილის განცხადებით, აფხაზური ენის დაცვა მისთვის უდიდესი და ამავდროულად, უმძიმესი პასუხისმგებლობაა. ზურაბიშვილის თქმით, განსაკუთრებით მაშინ, როცა აფაზური ენა იუნესკოს თანახმად, გაქრობის საფრთხის ქვეშ მყოფი ენების სიაშია შეტანილი.

"მე, როგორც საქართველოს პრეზიდენტს და მისი კონსტიტუციის გარანტს, აფხაზური ენის დაცვის პასუხისმგებლობა მაკისრია. არაერთხელ გავამახვილე ყურადღება აფხაზური ენისა და კულტურის გადარჩენის სასიცოცხლო მნიშვნელობაზე", — აცხადებს პრეზიდენტი.

ზურაბიშვილის განმარტებით, პრეზიდენტის ადმინისტრაცია არამხოლოდ სიტყვით, არამედ საქმითაც გამოიხატება. მისივე თმით ზრუნვის ეს ფორმებია:

  • საქართველოს კონსტიტუციის ახალი რედაქციის ქართულ-აფხაზური ვერსიის გამოცემა:
  • ორენოვანი ლიტერატურული ჟურნალის დაფინანსება;
  • ორბელიანების სასახლის ერთ-ერთ დარბაზისთვის, ამრას (აფხაზურად მზე) სახელის დარქმევა.

საქართველოს მე-4 პრეზიდენტის განცხადებით, თუ მომავალზე გვაქვს სწორება, უნდა ვიზრუნოთ აფხაზურენოვანი ინტერნეტ სივრცის გაფართოებასა და განვითარებაზე, რადგან, მისივე თქმით, თანამდეროვე ენათმეცნიერება ამას სასიცოცხლოდ მოითხოვს.

27 ოქტომბერი აფხაზური ენის დღეა.