პარტია თავისუფალი საქართველოს ლიდერს, კახა კუკავას კორონავირუსი დაუდასტურდა. ამის შესახებ მან საკუთარ ფეისბუქზე დაწერა. მისი თქმით, იგი თავს კარგად გრძნობს და დროებით საჯარო კამპანიას წყვეტს.

"შევეცდები დისტანციურად გვერდში დავუდგე ჩემს მეგობრებს და თანამებრძოლებს არჩევნებამდე დარჩენილ პერიოდში", — აცხადებს კუკავა.

26 ოქტომბერს საქართველოში კორონავირუსის 1 872 ახალი შემთხვევა გამოვლინდა. გამოჯანმრთელდა — 603. გარდაიცვალა — 14. სულ ქვეყანაში კორონავირუსის 30 303 შემთხვევაა დადასტურებული. მათგან, 11 370 უკვე გამოჯანმრთელდა. 215 კი, გარდაიცვალა.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: